سازی ناساز

لە بەشی دووەمی نوێکردنەوەی دیوانی سەید یاقۆدا دەقی شیعرێکی بەناوبانگی ئەو شاعیرە دەخەینە پێش چاوی خوێنەران. ئەم  شیعرە لە ڕووی نوسخەی چاپکراوی موحەممەد عەلی سوڵتانی خوێنراوەتەوە و لەگەڵ دەقەکانی مامۆستا عەلائەددین سەججادی، بابەمەردۆخ ڕۆحانی و مارف خەزنەداردا بەراورد کراوە. دوای شیعرەکە و باسێکی کورتی چۆن بەراورد کردنیان، وێنەی دەقی ئەو چوار سەرچاوە دانراوە 1.        شوورێ وە سەرم کەوتییە لەم مەستیی چاوە                     هیچ جێگە نەنیشم مەگەر ئەو جێ کە شەراوە 2.        ئەم زولف و ڕوخە، دلبەرە یا لەیل و نەهارە؟                  یا هەورە ڕەشی پەردەوەشی بانی هەتاوە؟ 3.        ڕوخسار تۆ وەک مانگ و دوو زولفت وەکوو عەقرەو         هەرچەند کە قەمەر عەقرەوە ڕازیم بە قەزاوە 4.        (سۆزی دڵمە باعیسی تاو و کوڵی گریان                         مەعلوومە کە ئاگر سەبەبی جۆششی ئاوە) 5.        ماچان کە غەزاڵان چەرنەی شۆرە زەمینن                      پەس ئاهوویی من چێشە کە لەم دیدە ڕەماوە؟ 6.        ئەی دڵ گوزەرێ کە وە کەمەرتاشیی فەرهاد                    بێن ناڵەکەی ئەیژنەوی ل

بە هاوڕێیەتی و هاوکاریی کاک عەتا وەلەدی، بڕیار وایە کە تا ئەوێ کە دەستمان بگات، شیعرەکانی سەید یاقۆی ماهیدەشت لە سەرچاوە جۆراوجۆرەکاندا پێکەوە بەراورد بکەین و وردەوردە لەم وێبلاگەدا بیخەینە بەر چاوی ڕەخنەگرانەی خوێنەران و پاش ئەوە، ئامادەی چاپی بکەین. لێرەدا وەکوو بەرکوڵێک لە دیوانەکەی، شیعرێکی دیوانە کۆکراوەکەی موحەممەد عەلی سوڵتانی بە بێ بەراورد و دەستکاری، دێنینە سەر ڕێنووسی ئیمڕۆیی زمانی کوردی. دڵە دامەنی، دڵە دامەنی                                   هەی دڵ گیروەردەی حەڵقەی دامەنی هەر کام مەوینی، هەر ناکامەنی                         هەر کار مەکەری، هەر بەدنامەنی من هەر دەوا کەم، تۆ هەر زامەنی                     تو تاکەی نە فکر سەودای خامەنی؟                                              **** هەرگز خیاڵت ساتێ جەم نییەن                          پای غوسە و خیاڵ لەلات کەم نییەن چو دنیا دەست وە یەکدەم نییەن                          سوراحیت نە سەوت زیر و بەم نییەن هەر کار مەکەری، هەر بەدنامەنی                     تو تاکەی نە فکر سەودای خامەنی؟